Lovi dedma sa nanggagatong sa pagbabati nila ni Marian

Nakakalimutan na nga nina Lovi Poe at Marian Rivera ang kanilang naunang hidwaan, pero pilit pa rin silang pinag-aaway ng iba. Akalain mo, ginagawan pa ng isyu ang pagbeso-beso kay Marian ni Lovi nang magkita sila. Buti na lang at marunong nang mangdedma si Lovi at hindi na pinapatulan ang maliwanag na motibo ng marami na i-revive ang away nila ni Marian.

Ipagpatuloy mo yan, Lovi!

Willie nambitin?!

Hanggang ngayon ay marami ang umaasa na hindi na naman mawawala sa ere si Willie Revillame. Bakit naman siya papayagang mawala kung maganda naman ang programa niya’t nakapagbibigay ng tulong sa marami?

Sharon hinahanap na

Ano nga ba ang plano ng ABS-CBN kay Sharon Cuneta? Matagal na ring nawala sa ere ang Your Face Sounds Familiar kasabay ng pagkawala rin ng Megastar.

Ang daming tanong ng kanyang fans tungkol sa kanilang idolo. Pumayat na raw ba ito o nagpapapayat man lamang ba? Ako rin ay ‘di ko nakikita si Sharon. Hayaan n’yo kapag nagkita kami, una kong itatanong sa kanya ang itinatanong n’yo sa akin. Pramis.