Gerald itinaya ang career sa movie nina Liza at Enrique

May movie na naman ang tambalang Liza Soberano at Enrique Gil kasama si Gerald Anderson na gumawa ng isang napaka-risky na desisyon sa kanyang career sa pagpayag na maging bahagi lamang siya ng love triangle ng pinasisikat nang husto ng ABS-CBN.

Palagay ba ni Gerald ay makakatulong ito sa career niya?

Barbie iba ang trip sa debut

Masisisi mo ba si Barbie Forteza kung mas mai-excite siya na mag-drive sa kotse na kanyang birthday wish kaysa sumayaw na naka-gown at high heels sa isang cotillion na karanwang ginagawa ng mga nagdi-debut? Hindi. Pero ‘yun ang gusto ni Barbie for her 18th birthday na ewan kung iga-grant ng kanyang parents. Sana nga.

AiAi at Tates sanib-puwersa laban kay Kris?!

Nakahanap ba si AiAi delas Alas ng kakampi sa away nila ni Kris Aquino sa katauhan ng ina ng dalawang anak ni QC Mayor Herbert Bautista na si Tates Gana? Balitang buddy-buddy ngayon ang dalawa.

Pero sana huwag na nilang pagkaisahan pa ang presidential sister dahil makakabawas pa ito sa maganda nilang imahe sa publiko. Lalo na ni AiAi dahil sa magandang ipinamalas niya sa pagtulong kay Jiro Manio. Si Tates naman ay balitang tatakbo rin sa eleksyon at makakabawas pa sa pagpapaganda niya ng imahe kung pananatilihin niya ang pait sa kanyang puso sa inaakala niyang pang-aagaw ng TV host sa ama ng kanyang mga anak.