May itinatago?! Enchong ingat na ingat ang kilos at salita sa PBB house
SEEN: Maingat na maingat si Enchong Dee sa kanyang mga kilos at pagsasalita sa loob ng Pinoy Big Brother House.
SCENE: Ang pakiusap ni Gelli de Belen na huwag nang isulat na siya ang original choice bilang asawa ni Raymond Bagatsing sa Baker King dahil nahihiya siya kay Jackie Lou Blanco na ipinalit sa kanya.
SEEN: Hindi magugustuhan ni Vic Sotto ang mga ikinuwento ni Dina Bonnevie sa presscon ng Beautiful Strangers tungkol sa mga nangyayari sa kanilang masalimuot na pagsasama noon.
SCENE: Sa August 7 ang soft opening ng Kidzania, ang child friendly at indoor family entertainment center sa Bonifacio Global City.
SEEN: Katawa-tawa ang fans ni Glaiza de Castro na tulong-tulong na gumawa ng paraan upang mag-trending kahapon ang #GlaizaForWomensHealth dahil matagal nang isinara ang health magazine for women ng Summit Media.
SCENE: Kinontra ng prosecution ang hiling ni Senator Jinggoy Estrada sa Sandiganbayan na payagan siya na magpa-check-up sa Cardinal Santos Medical Center dahil puwedeng gawin ang mga laboratory test sa Philippine National Police General Hospital sa Camp Crame.
SEEN: Isinugod noong Martes ng gabi sa emergency room ng St. Luke’s Medical Center sa Quezon City ang young actor na si Jerome Ponce dahil hindi siya makalakad na bunga umano ng pagkahulog niya sa hagdan.
SCENE: Plano nina Drew Arellano at Iya Villania na magkaroon ng anak sa susunod na taon. Sinabi ni Drew ang balak nila ni Iya sa presscon kahapon ng kanyang bagong programa sa GMA 7, ang San Miguel Pure Foods Home Foodie.
- Latest
