Atom tatalakayin ang hit and run
MANILA, Philippines – Ano ang dapat mong gawin kapag may biglang na-hit and run? Iyan ang tatalakayin ni Atom Araullo ngayong Miyerkules (July 29) sa Red Alert.
Hindi lang perspektibo ng saksi ang ihahain ni Atom, kung hindi pati na rin sa biktima o driver na nakabangga. Ano nga ba ang mas mainam na gawin? Ano ang pananagutan ng isang tao sa ganitong uri ng sitwasyon?
Sasariwain din sa episode ang kuha ng isang CCTV camera sa Tomas Morato sa Quezon City kung saan nasagasaan ng isang taxi driver na napakatulin magpatakbo ng sasakyan ang tatlong tao kabilang na ang isang lola.
Muling nagbabalik ang Red Alert para ihanda ang mga manonood sa pinakamalalang mga sitwasyon o trahedya sa pamamagitan ng pagbibigay ng impormasyon at kaalamang maaring makasagip sa kanilang buhay pati na rin sa buhay ng iba.
Pakatutukan ang Red Alert tuwing Miyerkules sa Kapamilya Gold ng ABS-CBN.
- Latest
