ABS-CBN humakot ng parangal sa UmalohokJUAN
MANILA, Philippines – Humakot ng 10 parangal, kabilang ang Best TV Station, ang ABS-CBN Corporation sa 2nd UmalohokJUAN Awards na ginanap kamakailan sa Lyceum University of the Philippines sa Intramuros, Manila.
Panalo ang DZMM 630 bilang Best AM Radio Station, TV Patrol bilang Best News Program, Failon Ngayon bilang Best AM Radio Program, Ted Failon bilang Best AM Radio Announcer, It’s Showtime bilang Best Entertainment Program, Matanglawin bilang Best Youth-Oriented Program at MYX Magazine bilang Reader’s Choice for Magazine.
Samantala, itinanghal naman ang Kapamilya stars na sina Coco Martin at Anne Curtis bilang Best Male TV Personality at Best Female TV Personality.
Ang UmalohokJUAN Awards 2015 ay inorganisa ng Department of Mass Communication, Journalism and Multimedia Arts ng Lyceum Manila. Ito ay naglalayon na parangalan ang mga personalidad at media organization na nangunguna sa larangan ng TV and radio broadcasting, print, advertising at public relations. Ang mga nagwagi ng parangal sa iba’t ibang kategorya ay pinili ng Lyceum community na binubuo ng 12,892 estudyante, 420 faculty members at 245 admin/non-teaching personnel.
- Latest
