Heart natawa lang kay Jericho Evangelista!
PIK: Natawa na lang si Dingdong Dantes nang napansin ng mga reporter na ang pangalan niya sa Pari Koy ay si Jericho Evangelista.
Talagang may konek kay Heart Evangelista ang ginamit na pangalan sa kanyang karakter. Hindi naman ito napansin ng GMA Primetime King.
Nag-react ang fans nila, pero hindi na lang siguro ito gawing isyu pa.
Nakarating nga ito kay Heart, at natawa na lang daw siya, at wala naman daw siyang dapat ika-react diyan.
Sa Lunes, March 9 na magsisimula ang Pari Koy na inspirational ang dating sa mga manonood.
PAK: Hindi na nagkomento si Dondon Monteverde sa isyung may tampo si Dingdong Dantes sa kanya dahil hindi ibinigay sa kanya ang movie project na Ponzi na napunta kay John Lloyd Cruz.
Nabasa ni Dingdong ang script ng naturang project at gustung-gusto raw pala niya itong gawin.
Sinabi raw niya kay Dondon na sa kanya ibigay iyun, pero ang ending kay John Lloyd naman binigay.
Kaya halatang masama ang loob ng aktor sa sagot niyang next time daw ay magiging maingat na siya sa mga nakaka-deal niya.
BOOM: Medyo nakahinga na ng maluwag ang pamilya Revilla dahil medyo okay na raw kalagayan ni Jolo Revilla na nasa hospital pa rin.
Dumaan ito sa CT scan kamakalawa ng gabi. Pero wala pang inilabas na resulta. Pero medyo ok na raw si Jolo at sana tuluy-tuloy na ang paggaling nito.
Hindi na rin humingi si Sen. Bong Revilla ng permiso sa Sandiganbayan para madalaw uli ang kanyang anak.
Ayaw na lang daw niyang sabihin ng iba na inaabuso nito ang nangyari kay Jolo. Pero malungkot pa rin si Sen. Bong at mabuti na lang patuloy siyang dinadalaw ng mga kapatid at mga malalapit na kaibigan.
- Latest