Puring-puri kasi ang ganda niya Maja hiyang-hiya kina Lea at Solenn
Balik sa pagiging endorser ng Sisters Sanitary Napkin and Pantyliner si Maja Salvador at paniwala nito, kaya muli siyang kinuhang endorser ng Megasoft Company dahil may maganda siyang nagawa noong una siyang maging endorser.
Naalala naming noong una siyang mag-endorse ng Sisters Sanitary Napkin and Pantyliner, kapag may provincial tour, galing sa taping, naliligo lang siya at pumupunta na sa meeting place na panggagalingan ng press people na kasama sa provincial tour. Sa bus na siya nagme-make up ‘wag lang ma-late.
Anyway, sabi Mrs. Aileen Go, owner ng MegaSoft, bukod sa print ad, may ad na rin sila sa bus at magkakaroon ng billboard si Maja. Mas tumaas ang tf ng aktres, hindi nga lang sinabi kung magkano.
Samantala, natanong ng kanyang reaction si Maja sa sinabi ni Solenn Heussaff na girl crush siya nito, nahiyang mag-comment si Maja, gusto naman niya ang kaseksihan ni Solenn.
Mas lalong nahiya si Maja sa ipinarating sa kanya na nang tanungin si Lea Salonga kung sino sa kanya ang pinakamagandang aktres, siya ang nabanggit na may pinakamagandang mukha sa showbiz.
“Hindi ko alam ang sasabihin, coming from Ms. Lea, sobrang na-appreciate ko ‘yun. Salamat, pero nakakahiya,” sagot ni Maja.
Ibinalita na rin ni Maja na this March na ang airing ng bago niyang soap sa ABS-CBN na Briges of Love. Kung sa Legal Wife ay piinag-agawan nila ni Angel Locsin si Jericho Rosales, sa bagong soap, siya naman ang pag-aagawan nina Paulo Avelino at Jericho. Star dancer ang role niya sa Bridges of Love.
Claudine mag-i-indie muna!
Nakita ng isang TV reporter sa may Katipunan si Claudine Barretto last week at nabanggit nitong determinado at desidido na itong magbalik showbiz. Sabi ng TV reporter, malaki na ang ipinayat ni Claudine at lumiit na ang tiyan nito.
Sa Instagram (IG) ni Claudine, may mga pinost siyang pictures na nasa gym siya at nagwu-workout. Ibinalita rin nitong she’s on a diet sa tulong ng Happy Diet Delivery, kaya mukhang seryoso na ngang magbawas ng timbang si Claudine.
Kamakailan, nabalitang may gagawing pelikula si Claudine, pero ang sabi, indie film muna at hindi mainstream.
Anyway, ilan sa bagong pinost na pictures ni Claudine sa IG ay nasa Viva Films office siya at tila inaayusan.
May picture rin si Claudine kasama si G3 San Diego, scriptwriter ng birthday special ni Julia Barretto na Just Julia, ang dating nito sa mga nakakita sa picture at nakabasa sa post ni Claudine, in-interview siya para sa Birthday special ng pamangkin.
- Latest