Showtime at Eat Bulaga, pareho na ang Advice Segment!
Seen: Ang successful launch kahapon sa TriNoma Activity Center ng Inner Beauty, ang body spray at scent na collaboration ni Marian Rivera at ng Bench.
Scene: Balik-Sunday All Stars ngayon si Aljur Abrenica. Humbling experience kay Aljur ang pag-alis at pagbabalik niya sa GMA 7.
Seen: Sa March 16 ang pilot telecast ng Bridges of Love, ang primetime teleserye nina Maja Salvador, Jericho Rosales at Paulo Avelino sa ABS-CBN.
Scene: Sa March 16 din ang playdate ng television remake ng Inday Bote, ang pelikula ni Maricel Soriano sa Regal Films. Mga bida sa Inday Bote sina Alex Gonzaga, Kean Cipriano at Matteo Guidicelli.
Seen: Proud father si Robin Padilla dahil matataas ang grades ng kanyang anak na si Ali na nag-aaral sa isang school sa Australia. Dalawang linggo na hindi nakapasok sa school si Ali dahil sa kanyang extended Christmas Holiday sa Pilipinas
Scene: Ang last taping day noong Huwebes ng Season 1 ng 2 ½ Daddies, ang sitcom ng Padilla siblings sa TV5.
Seen: Pareho nang may advice segment ang Eat Bulaga at ang It’s Showtime. Si Vice Ganda ang host ng advice Ganda at sina Wally Bayola, Jose Manalo, Paolo Ballesteros at Marian Rivera ang mga host ng Problem Solving ng Eat Bulaga.
Scene: Chronic obstructive pulmonary disease ang ikinamatay ng American actor na si Leonard Nimoy na nakilala sa kanyang role bilang Mr. Spock sa TV series at movie version ng Star Trek. Pareho ng ikinamatay si Nimoy at ang King of Comedy na si Dolphy.
- Latest
