Pang-damage control Julia biglang nakipag-ayos kay Dennis Padilla?!, Sunshine ayaw painterbyu pero sa social media nagtatatalak, Sarah pinakamaraming fans sa mg

SEEN: Ang nagkakaisang opinyon ng nakararami na damage control at early promo para sa Just Julia ang pakikipagkasundo ni Julia Barretto sa kanyang tatay na si Dennis Padilla. Ang Just Julia ang debut special ni Julia na ipalalabas sa ABS-CBN sa March 28.

SCENE: Ayaw ng mga advertiser at televiewers ang mga anak na nakikipag-away at hindi gumagalang sa kanilang mga magulang kaya pinagsususpetsahan na may koneksyon sa Just Julia ang reconciliation nina Julia Barretto at Dennis Padilla.

SEEN: Hindi nga nagpapainterbyu si Sunshine Cruz tungkol sa bagong demanda niya laban kay Cesar Montano pero sagot siya nang sagot sa mga comment ng kanyang social media followers tungkol sa kaso.

SCENE: Kung pagbabasehan ang dami ng fans ng mga mentor, malaki ang tsansa na ang protégé uli ni Sarah Geronimo ang manalo sa grand finals ng The Voice of the Philippines.

SEEN: Intimidated ang masa sa pagiging Inglisera ni Lea Salonga at sa mga  “mala-theater acting” niya sa The Voice of the Philippines.

SCENE: Ang photo exhibit ng official candidates ng Bb Pilipinas 2015 sa Cineplex area ng Gateway Mall, Cubao.

SEEN: Ang taping kahapon ng Bubble Gang cast sa Caramoan, Camarines Sur para sa summer special ng Bubble Gang.

SCENE: Ang Award of Merit (Special Mention) na ipinagkaloob kay Batangas Governor Vilma Santos-Recto ng IndieFest Film Awards dahil sa kanyang role na Loida Malabanan sa Ekstra.