Eula mas piniling makasama si Jean kesa magbida sa teleserye!
Magtataka ka talaga kapag nalaman mo na sa dinami-dami ng mga proyekto na inoffer ng GMA sa beterana at magaling na aktres na si Eula Valdez na ang iba ay full length ang role niya, ang guesting niya sa The Half Sisters ang pinili niya. Hindi mo naman siya masisi dahil nabasa niyang very challenging ang magiging role niya sa serye sa hapon na pinagbibidahan nina Jean Garcia, Barbie Forteza, Thea Tolentino, Gloria Romero, Ryan Eigenmann, at marami pa. Pinakamalaking come on ng serye sa kanya ay ang pagkakataon na makakasama niyang muli ang mga kaibigan niyang sina Jean Garcia, Jomari Yllana, at ang direktor ng serye na si Mark Reyes.
“Exciting makasamang muli si Jean dahil nagustuhan ng manonood ‘yung pagsasama namin sa Pangako sa ‘Yo. Meron pala kaming chemistry kaya madali kaming tinanggap ng manonood bilang tandem. May cult following na kami. Gusto ko ring makasama ulit si Gloria Romero. Bata pa ako nang una ko siyang nakasama sa isang project, kasama si Juancho Gutierrez,” anang aktres na hindi salbahe ang role bagaman at tatangkain niyang agawin kay Jean si Jomari. “Pero hindi sadya. Hindi ko alam na may sitwasyon sila in the past. Basta mai-in love lang ako rito kay Jom,” dagdag pa ni Eula na huling napanood sa Kapuso Network sa seryeng Ilustrado.
Sa ikalawang linggo pa ng Pebrero sila magkakabulagaan ni Jean, pero si Jomari ay nakita na.
Alex at Matteo susubukan ang chemistry
Bago sa serye nilang Inday Bote, magtatambal sa unang pagkakataon sina Alex Gonzaga at Matteo Guidicelli sa isang drama-comedy episode ng Maalaala Mo Kaya mamayang gabi. Gaganap sila bilang sina Jocelyn at Marlon, ang magkarelasyon na kauna-unahang nagwagi ng P1M jackpot sa isang laro ng It’s Showtime noong 2012.
Makakasama nina Alex at Matteo sina Kyline Alcantara, Kim Molina, Zeppi Borromeo, at Maila Gumila. Ito ay sa ilalim ng direksyon ni Raz De La Torre.
- Latest