Derek gusto na si Jennylyn!

May bulung-bulu­ngan na may espesyal na diumanong namamagitan kina Derek Ramsay at Jennylyn Mercado. May nakakita pa raw sa dalawa ng magka-holding hands sa isang pampublikong lugar kamakailan. “No holding hands,” giit ni Derek.

“Yeah! We always go out. Sinasabi nila patago, hindi kami nagtatago. Well, may lunch break kami, we go out. Kunyari minsan magkukulitan na change location, ‘Oh! Sama-sama na tayo!’ to go eat or go grab coffee before we go to the next set and everything kasi magse-setup pa. So we’ll have coffee somewhere near the location pero kasama ‘yung team n’ya,” kuwento ni Derek.

Espesyal daw ang turing ng aktor sa mga taong madalas niyang nakakasama. “What I like is the way I treat my team. She treats the same way. Like my P.A. (personal assistant) is now my friend and mga kasambahay ko, I treat them as family. Rule ko ‘yan sa bahay. Kaya ayoko nang nag-aaway-away, gusto ko lagi nag-o-open up and I see that she is the same way with her team. So sabi ko magkakasundo ko ito. So ‘yung mga kasama niya, kaibigan na rin ng kasama ko. So lahat-lahat kami lumalabas,” paliwanag ng aktor.

Hindi pa raw masasabi ni Derek kung saan hahantong ang samahan nila ni Jennylyn lalo pa’t pareho silang artista. “I’ll never give up on love. Jen has got a lot of qualities that I like. I set rules that the next is going to be ‘the one’ has to be somebody who isn’t in showbiz. It’s kind of annoying that she’s in showbiz. I don’t know, some rules can be broken,” makahulugang pahayag ni Derek.

Vic nakita ang sobrang pagmamahalan nina Aiza at Liza

Suportado raw ni Vic Sotto ang pagpapakasal nina Aiza Seguerra at Liza Diño kamakailan kahit marami ang bumabatikos dito. “I support her kasi alam n’yo naman, personally, kung saan masaya ang aking mga kaibigan, ang aking mga anak, doon ako. Siguro hindi naiintindihan ng ibang tao, pero opinyon nila ‘yun. I respect their opinion and I like them to respect my opinion also,” seryosong pahayag ni Vic.

Dadalo raw ang aktor sa muling pagpapakasal nina Aiza at Liza dito sa Maynila. “I’d be one of the ninongs kasi anak ko ‘yun. Nakikita ko kasi sila no’ng ginagawa namin ‘yung My Little Bossings (2013). Nakita ko kung gaano sila nagmamahalan, kung gaano sila kasaya and how they take care of each other. So no’ng nabalita sa akin na magpapakasal sila, they will formalize the relationship, sabi ko talaga ‘Go’,” kwento ni Vic.

Samantala, ibinahagi rin ng aktor kung paano niya ipagdiriwang ang Pasko. Ito raw ang panahon na dapat ay kasama niya ang mga mahal sa buhay kaya makakasama ni Bossing ang kasintahang si Pauleen Luna. “We’ll be together. We’ll hear mass and Christmas dinner with my family, gano’n lang naman eh. More of family toge­ther. ‘Yung diwa ng Pasko, hindi natin dapat kalimutan kung bakit may Pasko. Siguro most probably may mga advance tapings, tapos mga promotions tapos na rin,” pagtatapos ni Vic.                       

Reports from JAMES C. CANTOS