Fans kino-kontrol ang buhay ng mga artista
Obvious na sa ginagawang pagbabantay ng fans kay Daniel Padilla laban kay Jasmine Curtis Smith ay wala silang katiwa-tiwala sa batang aktor. Gwardyado-sarado sila dahil baka anytime na malingat sila ay makawala ito kay Kathryn Bernardo at makuha ng iba. Tsk. Tsk. Tsk.
Muli, itatanong ko, ano ba ang pakialam ng fans sa buhay ng kanilang mga idolo? Hindi komo mga tagahanga sila ay may pakialam na sila sa artista. Kung ayaw nila ang ginagawa ng mga ito, eh ‘di humanap sila ng ibang maiidolo. Pero, por Dyos por santo, tagahanga lang kayo. Gawin n’yo ang dapat n’yong gawin pero, huwag na huwag kayong makikialam. Kayo namang mga artista, huwag kayo padidikta sa mga tagahanga ninyo . Be grateful na may sumusuporta sa inyo, pero dapat alam nila ang limitasyon nila!
Bianca ayaw paniwalaan
Wala raw crush si Bianca Umali sa ka-loveteam niyang si Miguel Tanfelix. Wala raw siyang nararamdamang kakaiba sa kanyang kapareha bukod sa isang pagkakaibigan. Ni wala nga raw siyang crush, kaya paano siya magkakagusto sa mga lalaki?
Sinabi mo ‘yan, Bianca hah! Papaniwalaan ka namin. Mabuti nga kung mananatili kayong magkaibigan lang muna. Sobra pa kayong mga bata para sa mas malalim na relasyon. Enjoy your team up, for the meantime.
Kris dapat matuto sa kanyang BFF
Nagkasakit na naman pala si Kris Aquino? Aba, eh, hinay-hinay naman siya, Hindi worth it na magkasakit ang isang tao dahil sa pagnanais na lumaki pa ang ipon niya. Baka maubos lang sa gamot at pagpapadoktor ang pera niya. Alam at na-realize na ito ni Boy Abunda. Dapat matuto siya ng leksyon sa kanyang bff.
- Latest
