Bakbakang Pacquiao vs Algieri babantayan ni Jessica Soho
MANILA, Philippines – Nakatutok ngayon ang buong mundo sa magaganap na salpukan nina Manny Pacquiao at Chris Algieri! Lumipadsi Ms. Jessica Soho sa Macau para masaksihan at ihatid ang highlights ng bakbakan sa loob at labas ng ring ngayong Linggo sa Kapuso Mo, Jessica Soho, 7:30PM pagkatapos ng Ismol Family sa GMA7
Tampok din sa episode na ito ang pinagdiriwang na Macau Food Festival kung saan matutunghayan ang mahigit isandaang booths na naghahain ng mga pagkaing Asian, European, Mainland Chinese at iba pa nilang local delicacies.
Viral ngayon online ang mga video ng magkapatid na sina Elaine at Elaijane Duran ng Butuan City, habang kumakanta ng Chandelier at All About that Bass!.
Marami naman ang aliw na aliw sa gimik ng isang restaurant sa mga customers nila na may kaarawan isang pasabog na Happy Birthday dance number.
Samantala, sa Negros Occidental naman ay may isang babae raw na nakapagpapagaling ng mga sakit sa pamamagitan diumano ng langis na lumalabas sa kanyang kamay. Bukod sa tubig mula sa balon, ang tinig umano ng Birheng Maria ang naging susi upang siya’y makapanggagamot. Alamin ang katotohanan sa ‘milagrong’ ito.
Kilalanin din ang mga magkakapatid na Pilipina na sumali sa isang singing competition sa Korea. Ang video nga kung saan kumanta sila ng Let It Go naging viral!
- Latest
