KathNiel waging Loveteam of the Year
As expected, wala namang tumutol na sina Daniel Padilla at Kathryn Bernardo ang bigyan ko ng award bilang Loveteam of the Year.
Paano ba sila tatanggi o tututol eh, talaga namang walang ibang tambalan ang maituturing na mas sikat o kasing sikat man lamang ng dalawa.
Ang award ay matatanggap nila sa Star Awards for TV na magaganap bukas sa Solaire. Kaya inaasahan na mas magiging makulay ang parangal na ito ng mga taga-PMPC para sa mga taga-telebisyon. Kita kits tayo bukas.
Jed ipinahamak ng internet
Poor, poor Jed Madela, dahil sa galit niya ay nakapagtaray pala siya at ngayon ay nalalagay siya sa alanganin dahil inaakala ng mga taga-ASAP na sila ang pinatutungkulan niya sa hindi magandang sinabi niya.
Kaya, Jed, next time mag-isip-isip ka muna bago ka magbitaw ng pananalita, lalo’t galit ka.
Sabi ko nga, pag-isipan maigi ang ilalagay sa mga social media account na ‘yan. Bugso lang siguro ng sama ng loob ang nangyari pero huli na para bawiin pa ni Jed.
Mabuti na lang at wala akong mga account account na ‘yan sa social media.
- Latest
