Jonalyn Viray, muling bibirit sa Music Museum

MANILA, Philippines - Muling bibirit sa entablado si Soul Princess at Fearless Diva Jonalyn Viray sa concert niyang #Fearless: The Repeat.

Ito ang pangalawang major concert ni Jonalyn na magsisilbi rin bilang isang benefit concert para sa mga nasalanta ng Bagyong Yolanda.

Dahil sa tagumpay ng unang #Fearless major concert noong Pebrero, napagdesisyunan na ulitin muli ito, kung saan isang kakaiba at bolder version ni Jonalyn ang masasaksihan ng mga manonood.

“Wala na talaga akong inhibition and isinapuso ko ang lahat ng mga natutunan ko from my first major concert. Dito ko ‘yun maipapakita. Like before, there’s gonna be a song na bawat manonood, makaka-relate,” ani Jonalyn.

Special guests sa #Fearless: The Repeat sina Tom Rodriguez, Thor, at Queen of Soul Jaya.

Unang nakilala si Jonalyn nang sumali ito sa Kapuso talent search na Pinoy Pop Superstar. Siya ang hinirang na first ever Grand Champion ng naturang talent search, at mula noon, nakita at narinig na ang husay niya sa iba’t ibang mga tours, guestings at variety shows gayon din sa pag-awit niya ng teleserye theme songs.

Isa na nga rito ang ending theme ng My Husband’s Lover na Help Me Get Over na tinanghal kamakailan bilang Song of the Year sa 6th PMPC Star Awards for Music.

Huwag palampasin ang #Fearless: The Repeat ni Jonalyn Viray ngayong November 14, 2014, 8pm sa Music Museum.

Para sa tickets, tawagan ang TicketWorld at 891.9999 o ang Music Museum at 721.0635.