Cristine walang-wala sa hitsura na buntis

SEEN: Kahapon ang 7th birthday ni Calix Andreas, ang lovechild nina Dennis Trillo at Carlene Aguilar. Ginanap noong Sabado ang birthday party ni Calix na dinaluhan ni Dennis bago ito pumunta sa MOA Arena para sa The Naked Truth, ang denim and underwear fashion show ng Bench. 

SCENE: Awkward na awkward ang pagrampa ni Dominique Cojuangco sa The Naked Truth at hindi comfortable na tingnan ang damit na ipinasuot sa kanya ng Bench stylist. 

SEEN: Hindi nakapanood ng The Naked Truth si Gretchen Barretto dahil nagpunta siya sa Japan. Sinundan ni Dominique sa Japan ang kanyang ina noong Linggo.

SCENE: Si KC Concepcion at hindi si Angelica Panganiban ang Kapamilya actress na close friend ni Marian Rivera. Kasama si KC sa mga abay sa kasal nina Dingdong Dantes at Marian.

SEEN: Ikinasal noong Linggo sa Fernbrook Gardens sa kanyang non-showbiz girlfriend na si Joan Paraiso ang singer na si Marcelito Pomoy. Ang fellow singer na si Jovit Baldivino ang best man ni Marcelito. 

SCENE: Natalo sa kanilang basketball game noong Linggo si Arnold Van Opstal at ang magkapatid na Jeric at Jeron Teng pagkatapos ng pagrampa nila sa fashion show ng Bench noong Sabado. 

SEEN:  Baby girl ang ipinagbubuntis ni Ara Mina na maaliwalas ang mukha. Seven months pregnant si Ara pero wala pa silang naiisip na pangalan ni Bulacan Mayor Patrick Meneses para sa kanilang anak.

SCENE: Bumalik na si Cristine Reyes sa ASAP19 noong Linggo. Walang-wala sa hitsura ni Cristine na buntis siya.