Kris Aquino niregaluhan ng Hummer si Boy Abunda

MANILA, Philippines- Niregaluhan ni Kris Aquino ng sasakyan na Hummer si Boy Abunda dahil lamang sa pagbangon ng sikat na talk show host mula sa isang matinding sakit.

Ito'y isang sorpresang inihanda ni Kris para sa kaibigan sa pagbabalik nito sa kanilang show na “Aquino & Abunda Tonight” kagabi. Mahigit isang buwan ding nawala sa talk show si Abunda dahi sa sakit sa atay.

Nag-post si Kris kagabi ng maikling video kung saan makikita ang naging reaksyon ni Boy sa kanyang regalo.

Sinabi ng Queen of All Media sa caption ng video na kaya niya niregaluhan si Boy ng sasakyan ay dahil “he is my best friend, because I'm so grateful he's alive & because I want to make him happy.”

Dagdag pa ni Kris, “uulitin ko, kulang pa this gift because sobra sobra ang pagmamahal, pagtiwala at pag aasikasong naibigay at patuloy na binibigay nya sa kin. Together w/ my brother & my 2 sons, it's with Boy that I continue to experience the gift of true & unconditional love.”