Enrique paboritong ipareha sa mga pinasisikat na teen stars

Si Enrique Gil ang kapareha ni Julia Barretto nang siya’y i-launch sa Mirabella at ngayon naman ay siya muli ang napiling kapareha ni Liza Sobe­rano sa bagong TV series na Forevermore.  Bago sina Julia at Liza, ipinareha rin si Enrique kay Kathryn Bernardo sa The Princess and  I kung saan namang unang umusbong ang tambalan nina Katryn at Da­niel Padilla. Ipina­reha rin si Enrique kay Julia Montes sa Muling Buksan ang Puso.

Mukhang suwerte si En­rique Gil bilang paboritong leading man ng mga bagong ni-launch na teen-stars.

Kring-kring may ibang plinaplano sa 2016

Nakatakda namin ma­ging panauhin ni Kuya Germs (Moreno) ang mag-asawang Tacloban Ma­yor Alfred Romualdez at Councilor Cristina `Kring-Kring’ Gonzales-Romualdez sa Celebrity Talk segment ng Walang Tulugan with the Master Showman sa darating na Sabado, September 6.

We find it an honor dahil bihirang mag-guest sa telebisyon ang mister ni Kring-Kring na si Mayor Alfred Romualdez who will fly all the way from Tacloban para mapagbigyan ka­mi ni Kuya Germs sa aming paanyaya.

Both Mayor Alfred and Kring-Kring are serving their final term as mayor and councilor ng Tacloban respectively. May mga lumulutang na balita na tatakbo umano sa national position si Mayor Alfred habang si Kring-Kring naman  daw ay may plano umanong isulong sa pagka-mayor ng Tacloban na unti-utni na ring nakakabangon sa pagkakalugmok sanhi ng bagyong Yolanda.