Sharon hindi tinapos ang kontrata sa TV5! Ted Failon at Gretchen Fullido may something!

SEEN: Matamlay ang reaksyon ng publiko sa “big announcement” ni Sharon Cuneta na hindi na siya talent ng TV5 dahil alam nila na doon hahantong ang desisyon ng aktres na nagparamdam ng pagsisisi sa kanyang Facebook post tungkol sa pag-alis niya sa ABS-CBN: “In my desire to venture into new territory and broaden my world, with the intention of giving you, my fans, supporters, and friends the rest of the best of me that I still had left, I made certain decisions that in the end, turned out to be of the wrong kind.” 

SCENE: Hindi nagdamdam ang TV5 management sa desisyon ni Sharon Cuneta na iwanan ang Kapatid Network. Mabilis na naglabas ng official statement ang TV5 matapos ang announcement ni Sharon: “TV5 wishes to extend its gratitude to Ms. Sharon Cuneta for being part of the Kapatid Network for almost three years. The network wishes her well in all her future endeavors.”

SEEN: Limang taon ang bisa ng exclusive contract na pinirmahan ni Sharon Cuneta sa TV5 noong November 11, 2011 kaya malinaw na hindi niya tinapos ang kanyang kontrata. 

Scene: Hindi magandang maglakad sa rampa si Allison Harvard, ang  runner-up ng America’s Next Top Model Cycle 12 na kasali sa Naked Truth, ang denim and underwear fashion show ng Bench sa September 19 sa Mall of Asia Arena. 

SEEN: Ayaw ipasulat ni Katrina Halili na hiwalay na sila ni Kris Lawrence pero siya ang kuwento nang kuwento na magkaibigan na lamang sila ng ama ng kanyang anak. 

SCENE: Sinalubong nina Vina Morales at Shaina Magdayao sa airport ang kanilang pamangkin na si Gabby Moreno nang bumalik ito sa bansa noong Biyernes. Si Gabby ang gold medalist sa Archery competition ng 2014 Nanjing Youth Olympics. 

SEEN: Magkasabay na ginawa nina Gretchen Fullido at Ted Failon ang ALS Ice Bucket Challenge. Matagal nang tinutukso si Gretchen sa biyudo na broadcast journalist.

SCENE: Sa September 15 ang target airing ng Strawberry Lane, ang primetime drama series ng GMA 7 na ipapalit sa Niño na magwawakas sa September 12.

Hindi masaya ang mga artista ng Niño sa desisyon ng network management na tapusin na ang kanilang teleserye.