Ice bucket challenge hindi para sa lahat
Bakit ka nga naman sasabak sa malamig na tubig na may yelo para lang makasunod sa uso kung pwede ka namang tumulong sa pamamagitan ng pagdu-donate ng pera?
Hindi naman mababawasan ang kasikatan ng isang artista at lalong hindi siya mapupulaan kung tatanggi siyang maligo sa malamig na tubig na niyelohan pa.
Kung kinakaya ito ng marami, eh maswerte sila. Mga bata pa sila at siguro, walang karamdaman, pero huwag nilang aasahan na makakaya itong gawin ng lahat. Hindi naman pare-pareho ang katawan natin, Okay?
Audition sa pagbabalik ng Starstruck patok!
Maraming artista wannabes ang excited sa pagbabalik muli ng artista search na Starstruck. Ang dami kasing artista na na-discover via this search kaya mabuti naman at ibabalik ng GMA.
Napakaraming magagandang alaala si Jennylyn Mercado sa pakontes na ito na ngayon ay libu-libo ang sumasali. Dati raw ay sampu lang sila, at kasabayan niya sina Rainier Castillo at Alvin Aragon. Ngayon daw ay sobrang dami na, mahirap nang makalusot kaya swertehan na lamang.
Bossing Vic at Pauleen nagliliwaliw na naman sa HK
Uy, mukhang malinaw-linaw na ang mga deklarasyon ni Bossing Vic Sotto tungkol sa relasyon nila ni Pauleen Luna. I’m sure happy ang co-host niya’t Dabarkads sa Eat Bulaga. Sumabay na kayo sa maraming nagpaplanong magpakasal na.
Balita ko ay kasalukuyang nasa Hong Kong ang magkarelasyon kasama si Ruby Rodriguez na bestfriend ni Puling.
- Latest
