Heart at Chiz sa usapang kasal: 'Papunta na kami doon'
MANILA, Philippines – Inamin ni Heart Evangelista ngayong Huwebes na napag-uusapan na nila ng kanyang boyfriend na si Senator Chiz Escudero ang lumagay sa tahimik.
Natanong ang pagpapakasal matapos ang bakasyon ng dalawa sa Paris.
"Definitely papunta na kami doon, but we're just taking our time," wika ni Heart.
"We're very open about our relationship. We plan things out pero... Basta."
Iginiit ni Heart na hindi naman siya nagmamadaling magpakasal dahil ang dami pa nang gusto niyang gawin sa buhay.
"I've really missed a lot of things. Growing up I didn't get to travel much, I missed college, a normal life," paliwanag ng Kapuso star. "So definitely 'yong chapter na 'yon ng buhay ko I really want to experience."
Samantala, wala namang balak iwanan ni Heart ang showbiz oras na magpakasal sila ng senador.
"Pero hindi ibig sabihin aalis ako sa showbiz. Maybe I won't do much soaps anymore. Since naman before, I've always wanted that normal life," sabi ni Heart.
Nang tanungin kung handa siyang maging first lady ni Chiz kung tatakbo ang senador bilang Pangulo at manalo: "Siyempre dapat mag-propose muna siya."
"So hindi ko po talaga iniisip 'yon. Ang iniisip ko is 'yong next chapter sa buhay namin ni Chiz. Pero malaking karangalan kung mangyari po 'yon," banggit ni Heart.
- Latest