Xian hindi napigilang magsalita tungkol kina Gerald at Kim

Isang romantic-comedy film ang nakatakdang gawin ngayon nina Kim Chiu at Xian Lim. Aminado sina Xian at Kim na na-miss nila ang isa’t isa.

“Siyempre nakaka-miss ‘yung rhythm kasi coming from an everyday basis na taping-shooting. Tapos finally ito na nga ‘yun, so I can’t wait for people to see dahil kakaiba nga talaga. We are very excited kasi ang tagal din naming hindi nagsama. Last ‘yung Bride for Rent at ito na. Can’t wait to share it with them,” bungad ni Xian.

“Oo, nakaka-excite and ‘yun nakaka-miss din ‘yung bonding namin together,” pahayag naman ni Kim.

 Kahit matagal na hindi nagkasama ang dalawa sa proyekto ay siniguro naman ng aktres na hindi raw nawawala ang kanilang komunikasyon ng binata.

“Oo naman, nandiyan pa rin naman kami para sa isa’t isa,” giit ni Kim.

 Samantala, nagbigay ng reaksyon si Xian tungkol sa isang TV commercial na muling pinagsamahan nina Kim at ang dating espesyal sa puso nitong si Gerald Anderson. Masaya raw ang aktor para sa lahat ng tagahanga na sumusuporta kina Kim at Gerald at ganoon din naman sa kanilang mga tagahanga ng aktres.

“Wala naman, we are all here working, it’s no­thing. They have been there at nagkaroon din ng Kim-Xian. Meron si Kim na sarili niya at meron din ako, sarili naman. There is really no, para sa akin, no competition involved. We are just having fun, para sa akin we are just here to make people happy. We are just here to make everything work,” giit ni Xian.

Enrique sobrang caring kay Julia

Ngayong Biyernes ay magtatapos na ang tele­seryeng Mirabella na pinagbibidahan nina Julia Barretto at Enrique Gil. Ilang buwan ding nagkasama ang dalawang bida kaya nagkaroon sila ng espesyal na samahan ayon kay Enrique.

 “I care for her a lot, sobra, pero ‘yung level ng love, hindi, but yes I care for her. What we have kasi is, what they say when you are at ease with somebody and siguro gano’n. We’re just really comfortable with each other,” pagtatapat ni Enrique.

“We’re just really good friends. Kasi si Quen (palayaw ni Enrique), we’re very much alike, na nag-click lang ‘yung personalities namin. For me siguro naging close kami dahil parang pareho kami, parang siya ‘yung boy version ni Julia Barretto,” nakangiting pahayag naman ni Julia.

Dahil sa serye ay mas nakilala rin daw ni Enrique ang aktres.

“I never expected that I will be this close with Julia. I got the chance to know her better. I hope I’ll get to work with her again because she is really a good actress,” pagtatapos ni Enrique. -Reports from JAMES C. CANTOS