Chemistry nina John Lloyd at Sarah mahirap kalimutan
May movie pala si Sarah Geronimo kasama si Coco Martin. Eh bakit, parang ngayon lang ito nababalita? Dapat nilang alalahanin na ‘yung huÂling movie ni Sarah with John Lloyd Cruz ay inabot ng milyon-milyon ang kinita. Kapag hindi ito nalampasan o napantayan man lamang ng Coco/Sarah movie ay ang una ang bibigyan ng sisi. Hindi si Sarah ang maaapektuhan kundi si Coco. Kaya ngayon pa lamang ay pausukin na nila ang publicity nito. Kailangan ito ni Coco para mapangalagaan ang kanyang estado bilang artista. Mahirap makalimutan na napakaganda ng chemistry ni Sarah kay JLC. At kailngang mapantayan ‘yun ni Coco.
Anak ni April Boy binubuhay ang career ng ama
Masaya na rin siguro si April Boy Regino dahil kahit hindi siya nakikita sa showbiz circle ngayon, andyan naman at nagpaparamdam ang kanyang anak na si JP Regino. Umiikot na si JP sa mga programa sa TV para i-promote ang kanyang unang album.
Maiibsan na ang pagkagiliw ni April Boy na makalabas muli sa TV dahil meron nang magpapanatili ng kanyang pangalan sa mundong mahal niya.
GMA maraming sisimulang programa
Maraming mga teleserye ang GMA na nakatakdang magwakas. O huwag kayong malulungkot dahil marami rin namang mga bagong palabas na kalulugdan n’yong muli. Hindi naman papayag ang GMA na hindi gumawa ng mga bagong palabas na mas maganda pa sa mga natapos. May commitment sila sa mga manonood. Kaya after Carmela at Rhodora X na parehong extended, may mga bago kayong aabangan.
- Latest