Jinkee nagmamakaawa na sa asawa

Tama lang si Jinkee Pacquiao na ayawan na ang pagpapatuloy ng kanyang asawa sa boksing. May pera na nga naman sila, bakit pa papayagan ni Manny na mabugbog ang kanyang katawan sa boksing? Meron pa ba siyang gustong patunayan? Wala na siguro, walong dibisyon na sa sports na ito ang nakukuha niya, pwede na siyang mamahinga, hindi na rin siya bumabata.

Pero sa malas hindi pa huli ni Manny ‘yun laban niyan kay  Timothy Bradley, magpapatuloy pa siya.

Valerie naghahanda na sa tag-ulan

Tama lang na samantalahin ni Valerie Concepcion ang  pagiging hindi masyadong abala sa kanyang pag-aartista ngayon. Kumukuha ito ng Marketing sa AMA. Pinaghahandaan niya ang panahon na hindi na siya nakakakuha ng mga roles. Pero mukha namang hindi niya ito dapat problemahin pa dahil hindi naman siya nasi-zero. May mga projects pa rin naman siyang nakukuha sa GMA. Kasama siya sa bagong serye na tatampukan nina Manilyn Reynes at Janno Gibbs.

James at Dennis sinulit ang bakasyon sa mga anak

Naging mas masaya ang observance  nina James Yap at Dennis Trillo  ng Holy Week dahil kasama nila pareho ang kanilang mga anak na sina Bimby (James) at Calix (Dennis). Sinasamantala ng dalawang abalang ama ang panahon para masulit  ang bonding nila sa kanilang mga anak. Pagbabalik nila sa kanilang mga trabaho ay recharged na recharged na sila.