Aliwan Fiesta may pa-photo competition

MANILA, Philippines - Tinatawagan ang lahat ng amateur at professional photographer!

Naglunsad muli ng photo competition ang Manila Broadcasting Company kaugnay ng pagtatanghal ng Aliwan Fiesta  taong ito.

Maaring gumamit ng digital o film-based na kamera.  Ilagay sa 8R size ang mga lahok na de-kolor.  Dapat kuha ang litrato sa araw ng labanan, at hindi pa nagwagi sa ibang kumpetisyon, ni lumabas sa anumang babasahin. Lakipan ng entry form na maaring ma-down­load sa  www.aliwanfiesta.com.ph, kasama ng iba pa’ng detalye ukol sa kumpetisyon.  Dalhin sa tanggapan ng MBC bago mag ika-2 ng Mayo.

Mayroon ding kategorya para sa gumagamit ng Camfone o Tablet sa pagkuha ng mga selfie o barkadahan shot kasama ng mga kalahok na festival contingents sa Ali­wan Fiesta grand parade na gaganapin sa ika-26 ng Abril. Dapat i-post ang mga entry sa official Facebook page ng Aliwan Fiesta.  Ang kuha na may pinakamaraming likes bago mag-May 4 ang mananalo.

Sa digital o film-based category, P50,000 ang nakalaan sa magwawa­gi, P25,000 sa ikalawang puwesto, at P10,000 sa third prize. Sa Camfone o Tablet naman, tig-limang libo ang ma­ka­kamit ng may pinakamaraming Likes na selfie o barkadahan shot. Lahat ng mga litrato ay magiging pag-aari ng MBC.