Vargas winakasan ang 13-taon termino ni Peping sa POC

MANILA, Philippines – Pinatalsik ni Amateur Boxing Association of the Philippines chief Ricky Vargas sa trono si Peping Cojuangco upang makuha ang pamumuno sa Philippine Olympic Committee (POC).

Nakakuha ng 24 na boto si Vargas sa isinagawang POC elections ngayong Biyernes sa Wack Wack Country Club sa San Juan City.

Umabot lamang sa 15 na boto ang nakuha ni Cojuangco na nasa pwesto mula pa noong 2004.

Hindi naging madali ang pagkakuha ng panalo ni Vargas na una nang diniskwalipika ng POC commission on elections nitong Nobyembre 2017.

Natuloy lamang ang botohan ngayong araw matapos pumagitna ang korte sa Pasig City na idineklarang walang bisa ang nangyaring eleksyon noong Nobyembre.

Samantala, wagi rin naman si Cycling president Rep. Abraham Tolentino bilang POC chairman kung saan tinalo niya si Ting Ledesma, 23-15.

Related video: