Abueva, Almazan tinanggal sa Gilas pool
MANILA, Philippines — Dahil sa hindi pagdalo sa mga ensayo, nagdesisyon si Gilas Pilipinas head coach Chot Reyes na tanggalin na sina Calvin Abueva at Raymund Almazan.
"It's already our third practice at hindi pa sila nagpapakita," pahayag ni Reyes.
"It's simply a matter of disinterest. I guess they're not interested so we have to move on. We can't wait for those guys," dagdag niya.
Kabilang ang dalawa sa 1st leg ng FIBA World Cup Asian Qualifiers kung saan dinispatsa nila ang Japan at Chinese-Taipei.
Sa kanilang pagkakasibak mula sa Gilas pool, nananatili naman sina Jayson Castro, Gabe Norwood, Japeth Aguilar, June Mar Fajardo, Allein Maliksi, Kiefer Ravena, Kevin Alas, Jio Jalalon, Roger Pogoy, Matthew Wright, Carl Bryan Cruz, Mac Belo at Troy Rosario.
- Latest