Children’s Game mainit na tinanggap sa Tagbilaran
MANILA, Philippines — Matagumpay na idinaos ang dalawang araw na 2018 Children’s Games kahapon sa Holy Name University sa Tagbilaran City, Bohol.
Mahigit 600 kabataan na may edad 12-anyos pababa mula sa 15 Barangays ng lungsod ang nakipagsaya sa event na inorganisa ng Philippine Sports Commission sa tulong ng Lungsod ng Tagbilaran.
Nagpasalamat naman si PSC commissioner Ramon Fernandez sa lahat ng dumalo at sa tulong ng local na pamahalaan sa pangunguna ni Mayor Baba Yap na siya ring papanauhing pandangal sa opening ceremonies noong Biyernes.
Ayon pa kay Fernandez, hangad ng ahensya ng gobyerno para sa sports na marating ang mga bayan sa buong bansa at makalikom pa ng maraming kabataan para matutong maglaro at mailayo sa mga bisyo.
“The PSC wants to reach as many children as possible with this program,” dagdag ni Fernandez.
Ang pagdaraos sa Children’s Games ay ang pagsunod sa kautusan ni Pangulong Rodrigo Roa Duterte na dalhin ang palaro sa countryside.
Kabilang sa itinuturo sa mga kabataan ang basic skills sa volleyball, basketball, lawn tennis at table tennis at iba’t ibang indigenouos sports kaya tuwang-tuwa ang lahat ng sumali.
Sa pangunguna ni Fernandez, ang PSC ay magsasagawa ng mahigit 50 legs ng Children’s Games sa buong Visayas region at ito pa lang ang pangalawa sa 41 na naka-plano na sa taong ito. Ang first leg ay ginanap sa Dumaguete City noong nakaraang linggo.
- Latest