Khan umaasa pa rin kay Pacquiao
MANILA, Philippines — Bago man lang tuluyan nang magretiro si Manny Pacquiao ay umaasa si Amir Khan na maitatakda ang bakbakan nila ng Filipino world eight-division champion sa Abril.
“I still think he’s got a few fights left in him. A huge name in boxing, being one of the biggest names in the welterweight division still, even though he was beaten by (Floyd) Mayweather, then Jeff Horn,” sabi ni Khan kay Pacquiao.
Huling lumaban si Pacquiao (59-7-2, 38 KOs) noong Hulyo 2 kung saan siya natalo kay Jeff Horn at naisuko ang suot na World Boxing Organization welterweight crown sa Brisbane, Australia.
Matapos ito ay hindi na umakyat ng boxing ring ang 39-anyos na Senador.
May plano si Bob Arum ng Top Rank Promotions na ilaban si Pacquiao sa Abril bago iharap sa mananalo kina Horn at Terence Crawford sa Nobyembre.
Kamakalawa ay nagparamdam ang kampo ng 31-anyos na si Khan, dating world light welterweight titlist, kina Pacquiao at Arum.
Umaasa si Khan (31-4, 19 KOs) na mapaplantsa ang laban nila ni Pacquiao ngayong taon.
“In his last two years, he’s had two defeats, but look, he’s still up there as one of the top fighters in the welterweight division,” wika ni Khan.
“To fight someone like him and to be in the same ring as someone like him would be amazing. He’s a legend in the sport already, but he still wants to keep on fighting. Imagine being put in the ring with him would be something, I would love that,” dagdag pa ng 2004 Olympic lightweight silver medalist.
Ilang beses nabasura ang salpukan sana nina Pacquiao at Khan. Noong nakaraang taon ay nabigo ang isang investment group mula sa United Arab Emirates na makapagpakita ng pondo kay Arum para sa salpukan nina Pacquiao at Khan sa Dubai.
- Latest
