Maiinit na suntukan sa Boxing@Elorde kasado na
MANILA, Philippines — Paglalabanan nina Florvic Montero, ang No. 1 contender mula sa Angeles City at No. 2 contender Shione Ogata ng Osaka, Japan ang bakanteng WBA ASPAC female flyweight title sa Pebrero 11 sa Elorde Sports Complex sa Parañaque City.
Magsusuntukan sina Montero at Ogata sa loob ng 12 rounds para sa nasabing korona.
Lalabanan naman ni Roldan Aldea ng Negros si Jonel Alibio ng Quezon para sa bakanteng Philippine lightweight belt.
Magtutuos sa preliminary round sina Ricardo Suiño ng Bacolod at Ryusuke Nasu ng Japan sa 115-pound division at sina Roldan Aldea ng Negros at Jonel Alibio ng Quezon sa 135-pound category.
Ang iba pang laban ay ang bakbakan nina Mark Sales at Edesl Jungco sa 135 pounds; Glenn Medura kontra kay Jonathan Pedrosa sa 126 pounds; Ben Ligas katapat si Jerry Cañada sa 119 pounds; si Pablo Gabunya kontra kay Jay Quia sa 126 pounds at si Ronel Sumalpong kaharap si Maurito Placios Jr. sa 112 pounds.
- Latest