San Beda nahulog sa No. 4 sa Final 4 dahil sa forfeiture
MANILA, Philippines — Dalawang laro ng San Beda College ang na-forfeit matapos matuklasan na ineligible si midfielder Dane Peñaflor na maglaro sa NCAA Season 93 seniors football competition na ginaganap sa Rizal Memorial Complex sa Maynila.
Dahil dito, mula sa No. 1 spot ay nahulog ang San Beda sa No. 4 seat sa Final Four.
Ayon kay football organizing committee chairman Peter Cayco ng Arellano University, inamin ng San Beda na ineligible si Peñaflor kaya’t nawalan ng bisa ang mga laro ng Red Booters kung saan siya nasilayan sa aksiyon.
Naglaro si Peñaflor para sa San Beda laban sa Emilio Aguinaldo College Generals at kontra sa Mapua Cardinals kung saan pareho itong naipanalo ng Red Booters.
Natalo naman ang Mendiola-based team laban sa Arellano Chiefs.
“During the eligibility meeting, San Beda and Lyceum of the Philippines University requested that they submit their eligibility requirements in January but we told them they run the risk of forfeiting their games if there are players who will be found to be ineligible later on,” wika ni Cayco.
Kaya naman nahulog ang San Beda sa No. 4 spot kalakip ang pagkakaalis sa kanila ng ‘twice-to-beat’ incentive.
Napunta ang top seeded sa College of Saint Benilde na siyang nabigyan ng ‘twice-to-beat’ bonus.
Maghaharap ang San Beda at Benilde sa crossover Final Four ngayong alas-8 ng gabi, habang magtutuos naman ang No. 2 Arellano at No. 3 Lyceum sa hiwalay na semis game sa alas-6 ng gabi.
“And then San Beda wrote us that they have discovered one of their players failed to make the eligibility requirements so they are voluntarily forfeiting the games where the player played,” dagdag ni Cayco.
Magsisimula rin ang semis sa juniors’ division kung saan nakatakda ang duwelo ng top seed na College of Saint Benilde laban sa La Salle Greenhills at Arellano sa alas-2.
Maghaharap naman ang No. 2 seed na San Beda at third pick Letran sa alas-4.
Kinakailangan na lamang ng St. Benilde at San Beda ng isang panalo para maisaayos ang best-of-three finals na magsisimula sa Biyernes.
- Latest
