Biado sasagupa sa Chinese sa main draw

MANILA, Philippines — Bubuksan ni Filipino world bi­l­liards champion Carlo Biado ang kam­panya sa pagsagu­pa kay Wu Zhengyu ng China sa pagsisimula ng main draw ng 2018 World Chi­nese 8-Ball Masters sa Olympic Stadium sa Qin­huangdao Ci­ty, China.

Ang reigning World 9-Ball titlist na si Biado ang nag-iisang pambato ng Pilipinas sa naturang tor­neo matapos umatras si 2004 World 9-Ball champion Alex Pagulayan at mabigong ma­kahirit ng tiket sa main draw sina World 9-Ball run­ner-up Roland Garcia at Eric Enriquez Bayhon sa qualifying round.

Nagtala ng apat na sunod na panalo si Garcia ki­na Yana Shut ng Belarus, Andreja Klasovic ng Serbia, Carlos Garcia ng Spain at Ryan Fleming ng Great Britain sa lo­sers’ bracket bago yumukod kay World Pool Series Grand Finale champion Klenti Kaci ng Albania, 7-13, sa ka­nilang ‘do-or-die’ match.

Lumasap naman si Bay­hon ng dalawang sunod na kabiguan kontra kina Jin Zhonghe ng France at Chan Ken Kweng ng Singapore.

Nauna nang umusad sa second round si defen­ding champion Gareth Potts ng Great Britain kasama sina Ame­rican Shane Van Boening, Chinese Zhang Kunpeng, Mongolian Delgerhuu Ah­tu­ya at South African Ri­­chard Halliday. (Chris Co)