F2 humirit ng game 3

MANILA, Philippines — Hindi hinayaan ng F2 Logistics na mawalis sila ng Petron sa serye.

Tinalo ng Cargo Mo­vers ang Blaze Spikers, 25-20, 24-26, 14-25, 25-19, 15-4, sa Game Two ng Philippine Super Liga Grand Prix Finals kagabi sa The Arena sa San Juan City.

Bumangon ang F2 Lo­­gistics mula sa isang one-set deficit at sa 0-9 pag­ka­kabaon sa fourth set pa­ra res­bakan ang Petron at itab­la sa 1-1 ang kanilang best-of-three championship series.

Nakatakda ang ‘winner-take-all’ match bukas ng alas-4 ng hapon sa Mall of Asia Arena sa Pasay City.

Matapos makatabla sa fourth set, 2-2, ay kinuha ng Cargo Movers ang 9-3 abante sa fifth set sa likod ni Cha Cruz.

“Lagi naming pinaalala sa team na mag-enjoy lang sa laro. Lahat naman ka­mi gustong manalo. You know, our hearts never give-up at pinatunayan na­min ‘yan ngayon,” sabi ni Cruz na nagtala ng 6 attacks, 1 block at 1 service ace.

Samantala, dahil sa kan­­yang inihataw na record-breaking na 41 points ay maaaring makuha ni Fo­ton import Sara Klisura ang Most Valuable Player (MVP) award.

Paboritong makamit ng Serbian ang award laban sa mga bigating reinforcements kagaya nina Lindsay Stalzer at Hillary Hurley ng Petron at Maria Jose Perez at Kennedy Bryan ng F2 Logistics.

Si Klisura ang naging su­si sa pagtatala ng Torna­does ng 7-1 win-loss record sa eliminations at sa pagsi­bak sa Sta. Lucia Lady Real­tors sa quarterfinals.

Ngunit sa semifinals ay yumukod ang Foton sa Petron na dumiskaril sa ka­­nilang hangad na ‘three-peat’ sa PSL Grand Prix.

“We agreed that Sara is one of the best foreign pla­yers in the league,” sabi ni Tornadoes’ head coach Boris Bra­nislav kay Klisu­ra, naging player niya sa isang club league sa Serbia.