Conlan pipiliting talunin si Ancajas
MANILA, Philippines — Bihirang magkamali si Filipino world super flyweight champion Jerwin Ancajas sa kanyang mga laban.
At aminado si Irish challenger Jamie Conlan na mahihirapan siyang talunin si Ancajas bukas sa SSE Arena sa Berlfast, Ireland.
“He’s a quality operator, he’s world champion for a reason and he’s very, very good in every department," wika ni Conlan sa panayam ng The Irish News.
Idedepensa ni Ancajas, may hawak na ng 27-1-1 win-loss-draw ring record tampok ang 18 knockouts, ang kanyang suot na World Boxing Organization super flyweight crown laban kay Conlan (19-0-0, 11 KOs).
Ito ang ikatlong sunod na pagkakataon na ipagtatanggol ni Ancajas ang kanyang bitbit na IBF super flyweight belt.
Si Ancajas ang ikatlong Filipino world champion sa kasalukuyan maliban kina IBF light flyweight ruler Milan Melindo at IBF flyweight titlist Donnie 'Ahas' Nietes.
Umiskor si Ancajas ng isang seventh-round Technical Knockout (TKO) victory laban kay Japanese challenger Teiru Kinoshita sa undercard ng laban nina Manny Pacquiao at Jeff Horn noong Hulyo 2 sa Brisbane, Australia.
- Latest