Lady Bulldogs jins mainit ang simula

MANILA, Philippines — Sinakmal ng nagdedepensang National University ang De La Salle University, 5-2 upang magarbong simulan ang kanilang kampanya sa women's division ng UAAP Season 80 taekwondo tournament kahapon sa Blue Eagle Gym.

Nanguna sa kam­pan­ya ng Lady Bulldogs sina Aragon sisters Rhezie at Rheza matapos magtala ng impresibong panalo sa kani-kanilang weight classes.

Namayani rin ang University of Santo Tomas laban naman sa University of the East, 6-1 habang nagwagi ang Ateneo de Manila University sa University of the Philippines, 4-3.

Nakabawi naman ang La Salle nang panain nito ang 5-2 panalo sa Far Eas­tern University.

Sa men’s division, na­ngunguna ang University of the Philippines na may malinis na 2-0 rekord.

Nanalo ang Fighting Maroons sa Growling Tigers sa iskor na 4-3 habang namayani rin ito sa Blue Eagles sa bisa naman ng 6-1 desisyon.

Wagi rin ang Bulldogs laban sa Green Archers, 5-2 gayundin ang Tamaraws  kontra naman sa Red Warriors, 5-2.

Napasakamay naman ng UST ang juniors championship crown sa likod ni Season MVP Israel Cantos.

Pumangalawa naman ang NU habang ikatlo ang De La Salle-Zobel.

Nauna nang nasiguro ng UST ang korona sa poomsae event sa likod nina Jocel Ninobla at Rodolfo Reyes Jr. (CCo)