James, Cavs sapaw sa tikas ni Harden
HOUSTON -- Naisuko ng Rockets ang itinayong malaking kalamangan, ngunit nakabalik sa kanilang porma para paluhurin ang Cleveland Cavaliers, 117-113.
Bumandera si James Harden para sa pagtatala ng Houston ng 35-26 abante sa third quarter at nalampasan ang paghahabol ng Cleveland para iposte ang kanilang pangatlong sunod na panalo.
“Try to study the game and get better. Listen to people around me that push me and motivate me and try to be the best I can be. It’s pretty simple,” sabi ni Harden, muling umukit ng triple-double sa kinamdang 35 puntos, 11 rebounds at 13 assists.
Matapos ilista ng Rockets ang 18-point lead ay inagaw ng Cavaliers ang two-point advantage.
Sa likod ni Harden, muling nakuha ng Houston ang kontrol sa laro para talunin ang Cleveland.
Itinaas ng Rockets ang kanilang record sa 9-3.
Nabigo naman ang Cavaliers na maduplika ang nauna nilang panalo laban sa Milwaukee Bucks para sa kanilang pang-pitong kabiguan sa 12 laro.
Humataw si LeBron James ng 33 points at 7 assists subalit may 9 turnovers, nagdagdag si Jeff Green ng 27 markers mula sa bench para sa Cleaveland.
- Latest