Compton bilib kay Jeron
Jeron Teng
MANILA, Philippines — Inasahan ng lahat na matapos sina Christian Standhardinger at Kiefer Ravena ay si Jeron Teng ang mapipiling No. 3 overall pick sa nakaraang 2017 PBA Rookie Draft noong Linggo.
Ngunit hinugot ng Alaska ang dating star guard ng La Salle Green Archers sa UAAP bilang No. 5 selection.
“Coming into this draft about a month ago, I didn’t think he was gonna be dropping to No. 5?” wika ni Aces’ head coach Alex Compton. “I mean, I never thought since I saw Jeron in high school I thought this kid’s gonna be one of those top picks, one of those 1-2-3 guys.”
Iginiya ng 23-anyos na si Teng ang Green Archers sa titulo noong 2013 at 2016 UAAP seasons.
Sa Alaska ay makakasama ni Teng sina Calvin Abueva, Jvee Casio, Kevin Racal, Vic Manuel at Chris Banchero.
“Happy ako na napunta ako sa team na maganda ang reputation,” sabi ng 6-foot-2 na anak ni dating PBA forward Alvin Teng. “Lahat nagsasabi sa akin na in Alaska, they treat players as family, and I’m happy na maging part ako ng family ng Alaska.”
Naniniwala si Compton na malaki ang maitutulong ni Teng sa kampanya ng Aces sa darating na 43rd season ng PBA na magsisimula sa Disyembre 17.
“He’s got a really unique game. He’s a different kind of player in a very good way. I think that gives him an ability to really change the game,” ani Compton kay Teng, ang kuyang si Jeric ay ang No. 12 overall pick ng Rain or Shine noong 2013 PBA Draft.
“Now of course, he’s gonna be a rookie and it’s not on his shoulders to carry us but I really think he can change the game in an immediate impact,” dagdag pa nito.
Samantala, kumpiyansa naman si No. 7 overall pick Rey Nambatac, dating kamador ng Letran Knights sa NCAA, na makakapagbigay siya ng kontribusyon para sa Rain or Shine.
Nagtala si Nambatac ng mga averages na 16.2 points, 8.3 rebounds at 2.9 assists para sa Knights sa NCAA Season 93, ngunit umiskor lamang ng 11 points sa kanilang 69-74 kabiguan sa San Sebastian Stags sa step-ladder semifinal round.
- Latest
