PVL All-Star Game hahataw ngayon
MANILA, Philippines — Magarbong tatapusin ng Premier Volleyball League ang season na ito sa pag-arangkada ng All-Star Game tampok ang matitikas na volleyball players sa bansa na magbabakbakan ngayon sa The Arena sa San Juan City.
Maghaharap ang White Team at Red Team sa alas-6 ng gabi upang bigyan ng kasiyahan ang mga tagasuporta ng liga na nagnanais masilayan ang kanyang mga iniidolong manlalaro.
Pamumunuan nina Open Conference MVP Myla Pablo at 2017 Open Conference Best Setter Jia Morado ang White Team kasama sina Isa Molde (UP), Nicole Tiamzon (Banko Perlas), Joy Cases (PAF), Jeanette Panaga (Pocari Sweat), Pau Soriano (Creamline), Bea De Leon (ADMU), Gyzelle Sy (Pocari Sweat), Suzanne Roces (Banko Perlas) at Melissa Gohing (Pocari Sweat).
Gagabayan ang Team White ni Rico de Guzman ng Pocari.
Papalo naman sa Red Team sina Grethcel Soltones ng BaliPure), Jerrili Malabanan ng BaliPure/FEU, UP’s Diana Carlos, Ces Racraquin ng Creamline/San Beda, Risa Sato ng BaliPure/National U, Kathy Bersola ng Perlas Spikers, Jasmine Nabor ng BaliPure/NU), Jem Ferrer ng Perlas, Aiko Urdas ng BaliPure/NU, Amy Ahomiro ng Perlas at Alyssa Eroa ng BaliPure.
Si BaliPure coach Roger Gorayeb ang hahawak sa Red.
- Latest
