Sinu-sino ang makukuha?
Pormalidad na lang kay Standhardinger sa SMB
MANILA, Philippines — Tatawagin ng Kia ang pangalan ni Christian Standhardinger bilang No. 1 overall pick ng 2017 Rookie Draft ngayong hapon sa Robinson’s Place sa Ermita, Manila.
Ngunit matapos ito ay sa bench ng San Miguel makikita ang 28-anyos na Fil-German power forward.
Inaprubahan kamakalawa ni PBA Commissioner Chito Narvasa ang trade sa pagitan ng Picanto at Beermen para kay Standhardinger, kinuha ni head coach Chot Reyes bilang kapalit ni naturalized center Andray Blatche para sa kampanya ng Gilas Pilipinas sa nakaraang 2017 FIBA Asia Cup at sa 29th Southeast Asian Games.
Sa nasabing palitan ay ibibigay ng Kia si Standhardinger sa San Miguel kapalit nina Ronald Tubid, Rashawn Mccarthy, Jay-R Reyes at isang 2019 first-round pick.
Binalak din ng TNT Katropa na mahugot si Standhardinger, may kontrata pang tatapusin para sa Hong Kong team sa Asean Basketball League, ngunit hindi ito inaprubahan ni Narvasa.
“Kia has talked to several prospects, other teams, and how they arrived with San Miguel, I guess it’s between them,” ani Narvasa, ibinasura ang unang alok ng San Miguel na sina Reyes, Agovida at McCarthy para kay Standhardinger.
Ang Kia ang hihirang sa No. 1 overall pick sa first round kasunod ang NLEX, Blackwater, Phoenix, Alaska, Globalport, Rain or Shine, Phoenix, Star, TNT Katropa, Barangay Ginebra at TNT Katropa.
Sa second round ay pipili naman ang NLEX, Star, Blackwater, Star, San Miguel, Alaska, Rain or Shine, Star, Phoenix, TNT Katropa, Globalport at Phoenix.
Maliban kay Standhardinger, inaasahan ding makukuha sa first round sina Kiefer Ravena, Jeron Teng, Raymar Jose, Jett Manuel at sina at sina Fil-foreign players Jason Perkins ng La Salle at Davon Potts ng San Beda.
- Latest