Incentives natanggap na ng AIMAG, Para Gamers medalists

MANILA, Philippines — Natanggap na  ng mga atleta na nag-uwi ng medalya sa nakaraang  2017 Asian Indoor and Martial Arts Games at sa 2017 ASEAN Para Games ang kani-kanilang insentibo sa ginanap na seremonya sa Multi-Purpose Arena sa Philsports Complex sa Pasig City.

Ibinigay ng Philippine Sports Commission pati na sa mga iba’t ibang coaches ng mga winning athletes na sumali sa AIMAG competition sa Ashgat, Turkmenistan at sa ASEAN Para Games sa Kuala Lumpur, Malaysia noong Setyembre.

Umabot din sa kabuuang  P29,037,800.00 ang ipinamahagi sa mahigit 114 medalists ng dalawang multi-event competition. Ang naturang incentives ng mga atleta ay alinsunod sa Republic Act 10699, na kinikilala rin bilang expanded sports incentives act na naisabatas noong  2016.

“The PSC is supportive of athletes and coaches who work hard to bring honor to the country.  It is for love of country that we do what we do,” ani PSC chairman William “Butch” Ramirez.

Iginiit ni Ramirez ang katungkulan ng PSC sa pag-suporta sa mga national athletes ng bansa.

“The life of an athlete is not a walk in the park, but moments like this make it all worth while.  The PSC recognizes this and we will support you. It will be a journey together,” dagdag pa ni Ramirez.

Sa katunayan, nagkaroon ng one-on-one meeting si Ramirez sa mga presidente ng iba’t ibang national sports associations sa mga nakaraang araw para pag-usapan ang mga plano at masiguro ang financial support mula sa ahensiya ng gobyerno.