Ika-3 dikit pakay ng Petron sa Cignal HD
Laro Ngayon(Filoil Flying V Arena, San Juan City)
3 p.m. Meet and Greet with coach Karch Kiraly
4 p.m. Opening Ceremonies
4:30pm Cocolife vs Foton
6:30 pm Petron vs Cignal HD
MANILA, Philippines — Target ng Petron Blaze ang ikatlong sunod na panalo sa pagharap laban sa Cignal HD habang asam din ng nagdedepensang Foton ang ikalawang panalo sa pakikipagtipan kontra sa Cocolife ngayon sa pagpapatuloy ng 2017 Chooks to Go-Philippine Superliga (PSL) Grand Prix sa FilOil Flying V Arena sa San Juan City.
Haharapin ng Blaze Spikers ang HD Lady Spikers sa alas-6:30 ng gabi pagkatapos ng laban ng Foton at Cocolife sa alas-4:30 ng hapon.
Nakatakda ring masilayan ang US national women’s volleyball head coach na si Karch Kiraly sa “meet and greet” sa alas-3 ng hapon kung saan magbibigay ng kaunting talumpati ang FIVB Hall of Famer sa mga Filipino volleyball coaches.
Idaraos rin ngayon ang pormal opening ceremonies sa alas-4 ng hapon at si Kiraly pa rin ang guest of honor.
Nasungkit ng Petron ang solo liderato sa kanilang 2-0 win-loss kartada matapos padapain ang Generika-Ayala sa straight sets, 25-13, 25-17, 25-19 noong opening day mula sa 18 puntos ni Hillary Hurley kabilang na ang dalawang blocks at isang ace habang si Lindsay Stalzer, ang MVP noong 2015, ay umani rin ng 14 puntos.
Ang ikalawang panalo ng Blaze Spikers ay sa Sta. Lucia Lady Realtors, 27-25, 25-20, 22-25, 25-14 noong Huwebes.
Sa larong iyon humataw pa rin ng 26 atake si Stalzer at 15 atake naman kay Hurley.
- Latest