Beth Celis
Malungkot na balita para sa sports community ang pagpanaw ni Ms. Beth Celis, ang beterano at tanyag na sports columnist.
Kilala siya bilang Madam Beth o Miss Beth. Mama Beth naman ang tawag ko sa kanya. Bacsi ang tawag niya sa akin.
Sa edad na 73, parang isang magulang ang tingin ko sa kanya. Pero sa totoo lang ay mas tinuring ko siyang kaibigan.
One of the boys.
Masarap kasama sa kwentuhan. No limits. Kahit ano ay pwedeng pag-usapan. Kahit below the belt ang topic.
Sa mundo ng PBA, walang hindi nakakakilala kay Mama Beth. Mula sa original days ng PBA nung 1970s hanggang sa modern days.
Mula Robert Jaworski, Alvin Patrimonio at James Yap ay kinober ni Mama Beth.
Specialty niya ang sumulat ng mga pinakamainit na balita sa mundo ng PBA. Minsan ay mauuna pa niyang malaman ang trade bago ito malaman ng mga players na involved sa trade.
Maging ang mga sports officials ay tumutugon sa kanya para humingi ng advice, ng saklolo kung kailangan.
Matagal ding nakipaglaban sa kanyang karamdaman si Mama Beth. Sa diabetis nagsimula ang kanyang kalbaryo.
Pero tinawanan lang niya ito.
Nakikinita ko na hanggang sa mga huling sandali, deep inside, ay nakangiti pa rin si Mama Beth, nag-iisip ng mainit na topic para sa sunod niyang kolum.
Rest in peace.
Salamat, Mama Beth.
- Latest
