Donaire tinalo si Hernandez
MANILA, Philippines — Walang dudang determinado si dating world five-division champion Nonito ‘The Filipino Flash’ Donaire Jr. na muling makapagsuot ng isang world boxing crown.
At ang unang hakbang ay kanyang ginawa matapos kunin ang isang unanimous decision victory laban kay Mexican boxer Ruben Garcia Hernandez para angkinin ang bakanteng WBC Silver featherweight crown kahapon sa Alamodome sa San Antonio, Texas.
Ito ang unang laban ni Donaire matapos mahubaran ng kanyang suot na WBO junior featherweight title ni Mexican Jessie Magdaleno noong Nobyembre.
Sa pagtatapos ng kanyang promotional contract sa Top Rank Promotions ni Bob Arum ay lumipat si Donaire sa Ringstar Sports at hinirang si Michael Bazzel bilang head trainer.
“I boxed very well, which is something I haven’t done in a long time. I moved my legs well and maintained it throughout the whole fight,” sabi ni Donaire matapos ang laban.
Ang pagsikwat sa WBC silver featherweight ang inaasahang magbibigay kay Donaire (38-4-0, 24 knockouts) ng pagkakataong muling makalaban para sa world boxing crown.
- Latest