Servania gigil na kay Valdez
MANILA, Philippines — Sa kanilang media workout kahapon sa Tucson, Arizona ay hindi naitago ni Filipino challenger Genesis Servania ang kanyang kasabikang labanan si Mexican world featherweight titlist Oscar Valdez.
“This is my first time getting into the ring and fighting for a world title. It's exciting,” sabi ni Servania sa kanyang unang world title fight.
Pipilitin ni Servania na agawin kay Valdez ang suot nitong World Boxing Organization featherweight crown sa Sabado (Manila time) sa Convention Center sa Tucson, Arizona.
Determinado si Servania na maging ikaapat na Filipino world champion matapos sina IBF light flyweight king Milan Melindo, IBF flyweight ruler Donnie 'Ahas' Nietes at IBF super flyweight titlist Jerwin Ancajas.
“It's my fight to win because I have trained so hard for this opportunity. It will be my hardest fight but you will soon see I came to Tucson to win and become the new world champion,” ani Servania, nagdadala ng perpektong 29-0-0 win-loss-draw ring record na tinampukan ng 12 knockouts.
Hindi naman binabalewala ni Valdez (22-0-0,19 KOs) ang kakayahan ng Pinoy challenger.
Samantala, sasagupain naman ni Donaire (37-4-0, 24 KOs) si Mexican Ruben Garcia Hernandez (22-2-1, 9 KOs) para sa bakanteng WBC Silver featherweight title sa Linggo sa Alamodome in San Antonio, Texas.
Muling lalaban ang 34-anyos na si Donaire matapos isuko ang kanyang bitbit na WBO super bantamweight belt kay Mexican Jessie Magdaleno noong Nobyembre 5, 2016.
- Latest
