Ladon, Maamo handa na sa pagsabak sa AIBA World

ISTANBUL-- Handang-han^­da na sina Filipino figh­­ters Rogen Ladon at Dan­nel Maamo na makipag­rambulan sa mga pinaka­ma­huhusay na boksingero sa AIBA World.

Sisimulan nina Ladon, ku­mampanya noong 2016 Rio Olympic Games, at Ma­amo, nakakuha ng ti­ket mula sa matagumpay na paglahok sa 2017 World Championships sa Hamburg, Germany, ang ka­ni­lang krusada sa Biyernes.

Ito ang pagkakataon ni Maamo para maipakita ang kanyang husay.

“Hindi basta-basta tournament ito kaya't todo ka­mi dito,” wika ni Maamo sa bo­xing event na lalahukan ng 300 amateur pugs sa bu­ong mundo.

Sina Ladon at Maamo ay gagabayan nina national coaches Nolito Velasco at Ronald Chavez.

Unang sasabak si La­don ng Bago City sa ak­syon sa Biyernes kasunod si Maamo ng Cagayan de Oro City sa Sabado.

Kasama sana nina Ladon at Maamo si Felix Eumir Marcial na nakasuntok din ng tiket sa nakaraang Asian qualifying noong Ma­yo ngunit isinama sa kopo­nang lumalaban ngayon sa 29th Southeast Asian Games sa Kuala Lumpur.