3 boxers lalaban para sa gold
KUALA LUMPUR -- Lumapit si two-time bantamweight champion Mario Fernandez sa kanyang target na ‘three-peat’ matapos talunin si Nat Siek Nin ng Cambodia patungo sa finals sa men’s boxing competition ng 29th Southeast Asian Games kahapon dito sa Malaysia International Trade and Exhibit Center.
Lalaban din para sa gintong medalya si middleweight Eumir Felix Marcial mula sa kanyang one-punch technical knockout kay Indran AVL Rama Khrisnan ng Malaysia.
Makakasama nina Fernandez at Marcial sa finals si Filipino-British light heavyweight Marvin John Nobel Tupas, tinalo si Anavat Thongkrathok ng Thailand via unanimous decision.
Tanging sina flyweight Ian Clark Bautista at light welterweight Charly Suarez ang natalo sa kanilang mga semifinal matches laban sa mga Thailand fighters para makuntento sa bronze medal.
Nabigo si Bautista kay Tanes Ongjunta, habang si Suarez ay dinaig naman ni Wuttichai Masuk.
- Latest