Yu at Oliva pasok sa finals ng swimming
KUALA LUMPUR – Pipilitin nina Roxanne Yu at Filipino-American Nicole Oliva na makabawi sa finals ng kani-kanilang events sa 28th Southeast Asian Games swimming competition dito sa National Aquatic Center.
Matapos pumuwesto sa No. 8 sa heats ng women’s 100-meter backstroke noong Lunes ay sumegunda si Yu sa qualifying heats ng 200-meter breaststroke mula sa kanyang oras na 2:19.91 sa ilalim ni Nguyen Thi Anh (2:18.22) ng Vietnam.
Pumangalawa din si Oliva, nasibak sa 100-meter backstroke, sa 400-meter freestyle in 4:20.32 sa likod ng Vietnamese ace (4:18.99).
Humakot s Nguyen Thi Anh ng walong gold medals sa 2015 Singapore SEA Games.
Magpipilit sina Yu, lumangoy noong 2014 Nanjing Youth Olympic Games, at Oliva na makasikwat ng gold medal sa kani-kanilang events.
Samantala, tumapos sa No. 6 si Olympian Jessie King Lacuna sa men’s 400-meter freestyle finals.
- Latest