Pirates sasagupa sa Cardinals para sa sweep sa first round
MANILA, Philippines - Target ng Lyceum of the Philippines na makumpleto ang first-round sweep sa pakikipagtipan sa Mapua University sa NCAA Season 93 men’s basketball tournament sa The Arena sa San Juan City.
Nakatakda ang duwelo ng Pirates at Cardinals ngayong alas-2 ng hapon kasunod ang duwelo ng College of Saint Benilde at Arellano University sa alas-12 ng tanghali at ng Emilio Aguinaldo College at University of Perpetual Help System Dalta sa alas-4 ng hapon.
Tangan ng Lyceum, huling nabihag ang Letran Knights, 75-68, noong Biyernes, ang 8-0 record.
Magbabalik na si Lyceum coach Topex Robinson na galing sa one-game suspension matapos ma-eject sa kanilang 97-93 panalo sa Generals noong Agosto 10.
“Honestly, we didn’t discuss about a potential sweep but rather we want to be a better version of ourselves from our Letran game,” wika ni Robinson.
Hawak ng Lyceum ang league-best offense sa 89.4 average points per game.
- Latest
