CdSL, OLFU nagparamdam agad
MANILA, Philippines - Maagang nagparamdam ang Colegio de San Lorenzo at Our Lady of Fatima University matapos ilampaso ang kani-kanilang karibal sa pagsisimula ng NAASCU Season 17 men’s basketball tournament sa Cuneta Astrodome sa Pasay City.
Matikas na pinataob ng CdSL ang Manuel Luis Quezon University, 101-82 habang namayani naman ang OLFU sa La Salle-Araneta University, 82-66 para maagang pagsaluhan ang liderato tangan ang parehong 1-0 marka.
Kumuha ng lakas ang Griffins sa ‘Twin Towers’ na sina Soulemane Chabi Yo at Jon Gabriel para magarbong simulan ang kanilang kampanya sa torneong nilahukan ng 16 koponan.
Humatak din ang Griffins ng 36-25 sa rebounds gayundin ng 21-12 sa assists laban sa Stallions.
Nanguna para sa DLS-AU si Jason Aquino na may 19 markers.
Samantala, nagbigay si Globalport Batang Pier team manager Bonnie Tan ng inspirational remarks habang si NAASCU president Dr. Ernesto Jay Adalem ng St. Clare College ang naglatag ng welcome remarks.
Sina Tan, Adalem at NAASCU commissioner Pido Jarencio ang nanguna sa ceremonial toss.
- Latest