Pacquiao-Horn fight ‘di tatagal
MANILA, Philippines - Kapwa naniniwala ang kampo nina boxing icon Manny Pacquiao at challenger Jeff Horn na hindi tatagal sa 12 rounds ang kanilang World Boxing Organization (WBO) welterweight championship fight na tinaguriang “Battle of Brisbane” ngayong Linggo sa Suncorp Stadium ng Brisbane, Australia.
Ayon kay multi-awardee trainer Freddie Roach na sa tingin niya ay magiging madali para sa 8-division world champion na si Pacquiao ang laban na inaasahang panonoorin ng live ng mahigit 50,000 katao.
“He (Manny) doesn’t want to predict knockouts and so forth but I think it is going to be short and sweet,” sabi ni Roach sa naganap na huling press conference para sa naturang world title fight na tinawag ding pinakamalaking boxing bout sa history ng Australia.
Sa panig naman ng trainer ni Horn na si Glenn Rushton, pinaghandaan nilang maigi ang labang ito kaya sigurado siyang hindi rin tatagal sa full distance ang laban.
“My vision for this fight is it will be a late stoppage. I think it is going to occur late in the fight. I personally believe this will be the fight of the year,” pahayag ni Rushton sa The Courier.
Ayon pa kay Roach na ang laban ni Pacquiao kay Horn ay magiging ‘stepping stone’ tungo sa posible ring rematch sa Amerikanong si Floyd Mayweather Jr.
- Latest
